Skip to main content

ਜਾਰਜ਼ ਕਰਲਿਨ


ਜਾਰਜ਼ ਕਰਲਿਨ ਦਾ ਜਨਮ ੧੨ ਮਈ  ੧੯੩੭ ਦਾ ਹੈ | ਨਿਓ ਯਾਰਕ  ਵਿੱਚ ਪੈਦਾ ਹੋਇਆ ਇਹ ਇਨਸਾਨ ਬਤੌਰ ਕਲਾਕਾਰ, ਐਕਟਰ,ਅਤੇ ਸਮਾਜ ਸੇਵਕ ਦੇ ਕਾਫੀ ਚਰਚਿਤ ਰਿਹਾ ਹੈ | 
ਹਿੰਦੀ ਵਿੱਚ ਮਨੋਜ ਪਟੇਲ ਨੇ ਇਹੋ ਜਿਹੇ ਇਨਸਾਨਾਂ ਦੇ ਰੌਚਕ ਅਤੇ ਪਿਆਰੇ ਕਥਨਾਂ ਦਾ ਅਨੁਵਾਦ ਕੀਤਾ ਹੈ | ਕੋਸ਼ਿਸ਼ ਰਹੇਗੀ ਸਾਰੇ ਹੀ ਕਥਨਾਂ ਨੂੰ ਲਿਪੀਅੰਤਰ ਕਰਨ ਦੀ |
ਅੱਜ ਜਾਰਜ਼ ਕਰਲਿਨ ਦੇ ਅਨੁਵਾਦ ਦਾ ਪੰਜਾਬੀ ਰੂਪ ਪੇਸ਼ ਕਰ ਰਿਹਾ ਹਾਂ |  

 -ਖਾਸ ਧੰਨਵਾਦ ਮਨੋਜ ਪਟੇਲ ਜੀ ਦਾ |



ਕੁੱਲ ਮਿਲਾਕੇ ਸਾਹਿਤ ਸੱਚ ਨੂੰ ਛੁਪਾਉਣ ਦਾ ਇਕ ਔਜ਼ਾਰ ਹੈ |

ਕਮਿਕ੍ਸ ਵਿੱਚ ਖੱਬੇ ਪਾਸੇ ਵਾਲਾ ਇਨਸਾਨ ਪਹਿਲਾਂ ਬੋਲਦਾ ਹੈ |

ਤੁਸੀ ਜਿਸ ਵਕਤ ਬਰੇਕ ਲਾਉਂਦੇ ਹੋ, ਉਸ ਵਕਤ ਜ਼ਿੰਦਗੀ ਤੁਹਾਡੇ ਪੈਰਾਂ ਦੇ ਹੱਥ ਵਿੱਚ ਹੁੰਦੀ ਹੈ |

ਕਿ ਤੁਸੀ ਕਦੇ ਗੌਰ ਕੀਤਾ ਹੈ ਕਿ ਤੁਹਾਡੇ ਤੋਂ ਹੌਲੀ ਗੱਡੀ ਚਲਾ ਰਿਹਾ ਸਖਸ਼ ਬੇਵਕੂਫ ਹੁੰਦਾ ਹੈ, ਅਤੇ ਤੁਹਾਡੇ ਤੋਂ ਤੇਜ਼ ਚਲਾ ਰਿਹਾ ਸਖਸ਼ ਪਾਗਲ ?

ਤੁਸੀ ਬਾਂਦਰ ਨੂੰ ਆਪਣੀ ਪਿੱਠ 'ਤੋਂ 'ਤਾਰ ਲੈ ਗਏ ਹੋ ਤਾਂ, ਇਸਦਾ ਇਹ ਮਤਲਬ ਨਹੀਂ ਕੀ ਸਰਕਸ ਸ਼ਹਿਰ 'ਚੋ ਜਾ ਚੁਕੀ ਹੈ |

ਪਿਛਲੀ ਰਾਤ ਮੈ ਇੱਕ ਫੈਮਲੀ ਰੇਸਤਰਾਂ ਵਿੱਚ ਰੋਟੀ ਖਾਧੀ, ਹਰ ਮੇਜ਼ 'ਤੇ ਕੋਈ ਨਾ ਕੋਈ ਬਹਿਸ ਛਿੜੀ ਸੀ |

ਉਹ ਪੂਰਨ ਕਿਸ ਤਰ੍ਹਾਂ ਹੋ ਸਕਦਾ ਹੈ? ਉਸਦੀ ਬਣਾਈ ਹਰ ਚੀਜ਼ ਤਾਂ ਮਰ ਜਾਂਦੀ ਹੈ |

ਹਵਾਈ ਜਹਾਜ਼ ਦੇ ਦੁਰਘਟਨਾ-ਗ੍ਰਸਤ ਹੋਣ 'ਤੇ ਵੀ ਜਦੋ ਬ੍ਲੈਕ-ਬਾਕਸ ਨੂੰ ਕੋਈ ਨੁਕਸਾਨ ਨਹੀਂ ਹੁੰਦਾ ਤਾਂ, ਪੂਰਾ ਹਵਾਈ ਜਹਾਜ਼ ਹੀ ਉਸ ਚੀਜ਼ ਨਾਲ ਕਿਉਂ ਨਹੀਂ ਬਣਾਇਆ ਜਾਂਦਾ |

ਹਰ ਕੋਈ ਇੱਕ ਹੀ ਭਾਸ਼ਾ ਵਿੱਚ ਮੁਸਕਰਾਉਂਦਾ ਹੈ |

ਘਰ ਤੁਹਾਡਾ ਸਮਾਨ ਰੱਖਣ ਲਈ ਇੱਕ ਜਗ੍ਹਾਂ ਮਾਤਰ ਹੀ ਹੁੰਦਾ ਹੈ ਜਦਕਿ ਤੁਸੀਂ ਹੋਰ ਸਮਾਨ ਲੈਣ ਲਈ ਬਾਹਰ ਗਏ ਰਹਿਨੇ ਹੋ |

ਬੁਢਾਪੇ ਦੀ ਸਾਰਿਆਂ ਤੋਂ ਚੰਗੀ ਗੱਲ ਹੀ ਹੈ ਕਿ ਤੁਸੀ ਹਰ ਤਰ੍ਹਾਂ ਦੇ ਸਮਾਜਿਕ ਫਰਜ਼ਾਂ ਤੋਂ ਇਹ ਕਹਿਕੇ ਛੁੱਟੀ ਲੈ ਸਕਦੇ ਹੋ ਕਿ ਮੈ ਬਹੁਤ ਥੱਕ ਗਿਆ ਹਾਂ |

ਨਾਸਤਿਕਤਾ ਇੱਕ ''ਨਾਨ-ਪ੍ਰੋਫਿਟ ਸੰਸਥਾ" ਹੈ |

ਸਤਵੇਂ ਅਸਮਾਨ ਦੀ ਚਰਚਾ ਜਿਆਦਾ ਹੁੰਦੀ ਹੈ , ਪਰ ਅਸਲ ਵਿੱਚ ਛੇਵਾਂ ਅਸਮਾਨ  ਘੱਟ ਭੀੜ ਭਰਿਆ ਅਤੇ ਆਕਰਸ਼ਕ ਨਜਾਰੇ ਭਰਿਆ ਹੈ |

ਲੋਕ ਇਸਨੂੰ ਅਮੇਰਿਕਨ ਡਰੀਮ ਇਸ ਲਈ ਕਹਿੰਦੇ ਹਨ ਕਿ ਕਿ ਇਸ ਤੇ ਵਿਸ਼ਵਾਸ਼ ਕਰਨ ਲਈ ਨੀਂਦ ਵਿੱਚ ਹੋਣਾ ਜਰੂਰੀ ਹੈ |

''ਨੋ ਕਮੈਂਟ" ਇੱਕ ਕਮੈਂਟ ਹੈ |

ਜੇਕਰ ਕੋਈ ਇਨਸਾਨ ਹਮੇਸ਼ਾ ਮੁਸਕਰਾਉਂਦਾ ਰਹਿੰਦਾ ਹੈ ਤਾਂ, ਸ਼ਾਇਦ  ਉਹ ਕੋਈ ਐਵੇਂ ਦੀ ਚੀਜ਼ ਵੇਚ ਰਿਹਾ ਹੈ ਜੋ ਕੰਮ ਨਹੀ ਕਰਦੀ

ਧਰਮ ਜੁੱਤੀ ਦੀ ਜੋੜੀ ਵਰਗਾ ਹੁੰਦਾ ਹੈ , ਤੁਸੀ ਆਪਣੇ ਨਾਪ ਦੀ ਲੈ ਲਵੋ ਪਰ ਮੈਂਨੂੰ ਆਪਣੀ ਜੁੱਤੀ  ਪਵਾਉਣ  ਦੀ ਕੋਸ਼ਿਸ਼ ਨਾ ਕਰੋ |

ਕੁੱਝ ਲੋਕ ਗਿਲਾਸ ਨੂੰ ਅੱਧਾ ਭਰਿਆ ਦੇਖਦੇ ਹਨ ਤੇ ਕੁੱਝ ਅੱਧਾ ਖਾਲੀ, ਮੈ ਓਸੇ ਨੂੰ ਇੱਕ ਐਸੇ ਗਿਲਾਸ ਦੇ ਰੂਪ ਵਿੱਚ ਵੇਖਦਾਂ ਹਾਂ ਜੋ ਆਪਣੀ ਜ਼ਰੂਰਤ ਤੋਂ ਦੁੱਗਣੇ ਆਕਾਰ ਦਾ ਹੈ |

ਕਿਸੇ  ਨੂੰ ਇੱਕ ਮੱਛੀ  ਦੇ ਦੇਵੋ ਤਾਂ ਉਹ ਉਸਨੂੰ ਇੱਕ ਦਿਨ ਖਾਵੇਗਾ, ਓਸੇ ਨੂੰ ਮੱਛੀ ਫੜਨਾ ਸਿਖਾ ਦੇਵੋ , ਤਾਂ ਉਹ ਕਿਸ਼ਤੀ 'ਚ ਬੈਠ ਸਾਰਾ ਦਿਨ ਬੀਅਰ ਪੀਂਦਾ ਰਹੂ |

ਕਿ ਕਿਸੇ ਰੇਸਤਰਾਂ ਵਿੱਚ ਸਮੋਕਿੰਗ ਸੈਕਸ਼ਨ ਬਨਾਉਣਾ ਉਸੇ ਤਰ੍ਹਾਂ ਨਹੀਂ , ਜਿਵੇਂ ਕਿਸੇ ਸਵਿਮਿੰਗ ਪੂਲ ਵਿੱਚ ਮੂਤਣ ਦਾ ਸੈਕਸ਼ਨ ਬਣਾਉਣਾ ?


-ਜਾਰਜ਼ ਕਰਲਿਨ 


                                                     https://www.biography.com/people/george-carlin-9542307
Labels:

Comments

Post a Comment

Popular posts from this blog

ਦੁਨੀਆ ਭਰ ਦੇ ਤਮਾਮ ਖ਼ੂਬਸੂਰਤ ਖ਼ਤ ( ੧)

ਪਿਆਰੇ ਬਾਈ...  ਮੈਂ ਜਵੀਲੋ ਦੇ ਸਫ਼ਰ ਦੀਆਂ ਗੱਲਾਂ ਤੈਨੂੰ ਦੱਸਣਾ ਚਾਹੁੰਦਾ, ਇਹ ਓਹੀ ਪਿੰਡ ਹੈ ਜਿੱਥੇ ਲਾਇਬਰਮੈਨ   ਲੰਬੇ ਸਮੇਂ ਤਕ ਆਪਣੀ ਆਖਰੀ ਪ੍ਰਦਰਸ਼ਨੀ ਲਈ ਤਸਵੀਰ ਦੇ ਚਿੰਤਨ ਲਈ ਰੁਕਿਆ - ਓਹੀ ਤਸਵੀਰ ਜਿਸ  ਵਿਚ ਧੋਬਣਾ ਨੇ। ਓਹ ਜਗ੍ਹਾ ਜਿੱਥੇ ਟਰਮਿਉਲ   ਅਤੇ ਜੁਯਲੁਸ ਬਾਖਯੁਜ਼ੇਨ ਨੇ ਕੁਝ ਸਮਾਂ ਲੰਘਾਇਆ। ਕਲਪਨਾ ਕਰ ਕੀ ਸਵੇਰ ਦੇ ਤਿੰਨ ਵਜੇ ਮੈਂ ਇਕ ਖੁੱਲ੍ਹੀ ਗੱਡੀ ਚ ਧਰਤੀ ਦੀ ਸੈਰ ਤੇ ਸੀ (ਮੈਂ ਆਪਣੇ ਮਕਾਨ ਮਾਲਿਕ ਨਾਲ ਗਿਆ ਸੀ ਜੀਹਨੇ ਅਸੇਨ ਦੇ ਬਜ਼ਾਰ ਜਾਣਾ ਸੀ।) ਅਸੀਂ ਸੜਕ ਦੇ ਕਿਨਾਰੇ ਜਿਸਨੂੰ ਓਹ ਡਾਇਕ ਆਖਦੇ ਨੇ ਤੇ ਚਲ ਰਹੇ ਸੀ; ਇਥੇ ਮਿੱਟੀ ਨਹੀਂ ਚਿੱਕੜ ਦਾ ਢੇਰ ਸੀ ਪਰ ਬਜ਼ਰੀ ਤੋਂ ਬਿਹਤਰ ਸੀ...  ਸਵੇਰੇ ਜਦੋਂ ਦਿਨ ਉੱਗਣ ਲਗਿਆ, ਇਧਰ ਓਧਰ ਧਰਤੀ ਤੇ ਖਿਲਰੀਆਂ ਝੋਪੜੀਆਂ ਵਿਚੋਂ ਮੁਰਗਿਆਂ ਨੇ ਬੋਲਣਾ ਸ਼ੁਰੂ ਕਰ ਦਿੱਤਾ। ਓਹ ਸਾਰੀਆਂ ਝੋਪੜੀਆਂ ਜਿੰਨ੍ਹਾਂ ਕੋਲ ਦੀ ਐਸੀ ਲੰਘੇ ਪਾਪੂਲਰ ਦੇ ਮਟਮੈਲੇ ਰੁੱਖਾ ਨਾਲ ਘਿਰੀਆਂ ਸਨ, ਜਿਨ੍ਹਾਂ ਦੇ ਪੀਲੇ ਪੱਤਿਆਂ ਝੜਨ ਦੀ ਵੀ ਆਵਾਜ਼ ਆਉਂਦੀ। ਛੋਟੇ ਜਿਹੇ ਕਬਰਿਸਤਾਨ ਵਿਚ ਇਕ ਪੁਰਾਣਾ ਟੁੱਟਿਆ ਹੋਇਆ ਥੰਮ ਸੀ ਜਿਸਦੇ ਆਲੇ ਦੁਆਲੇ ਅਤੇ ਵਿਚਕਾਰ ਝਾੜੀਆਂ ਸਨ। ਧਰਤੀ ਦਾ ਸਾਦਾ ਦ੍ਰਿਸ਼; ਮੱਕੀ ਦੇ ਖੇਤ, ਇਹ ਸਭ ਹੂਬਹੂ ਓਵੇਂ ਜਿਹਾ ਹੀ ਸੀ ਜਿਵੇਂ ਦਾ ਸੋਹਣਾ ਕੋਰੋ ਨੇ ਬਣਾਇਆ ਸੀ। ਬਿਲਕੁਲ ਉਵੇਂ ਜਿਹਾ ਅਨੰਤ, ਰਹੱਸਮਈ, ਅਤੇ ਸ਼ਾਂਤ ਜਿਵੇਂ ਉਸਨੇ ਰੰਗਿਆ। ਜਦੋਂ ਅਸੀ ਜ...
Post a Comment
Read more

Persian Poetry in Punjabi Sabir Haka

ਸ਼ਬੀਰ ਹਕਾ (੧੯੮੬-) ਦਾ ਜਨਮ ਕਰਮਾਨਸ਼ਾਹ (ਇਰਾਨ) ਵਿੱਚ ਹੋਇਆ । ਉਹ ਅੱਜ ਦੇ ਸਮੇਂ ਦਾ ਫਾਰਸੀ ਬੋਲੀ ਦਾ ਸ਼ਾਇਰ ਹੈ ਜਿਹੜਾ ਉਸਰ ਰਹੀਆਂ ਇਮਾਰਤਾਂ ਵਾਲੀਆਂ ਥਾਵਾਂ 'ਤੇ ਮਜ਼ਦੂਰੀ ਕਰਦਾ ਹੈ। ਉਹਦੀਆਂ ਕਵਿਤਾਵਾਂ 'ਮਾਡਰਨ ਪੋਇਟਰੀ ਇਨ ਟਰਾਂਸਲੇਸ਼ਨ' (ਜਨਵਰੀ ੨੦੧੫) ਵਚਿ ਛਪੀਆਂ ਸਨ। ਫਾਰਸੀ ਤੋਂ ਇਨ੍ਹਾਂ ਕਵਿਤਾਵਾਂ ਦਾ ਅੰਗਰੇਜ਼ੀ ਅਨੁਵਾਦ ਨਸਰੀਨ ਪਰਵਾਜ਼ ਅਤੇ ਹਿਊਬਰਟ ਮੂਰ ਨੇ ਕੀਤਾ ਸੀ। ਗੀਤ ਚਤੁਰਵੇਦੀ ਨੇ ਇਨ੍ਹਾਂ ਦਾ ਹਿੰਦੀ ਅਨੁਵਾਦ ਕੀਤਾ ਅਤੇ ਕੁਲਦੀਪ ਕੌਰ ਨੇ ਇਨ੍ਹਾਂ ਨੂੰ ਪੰਜਾਬੀ ਰੂਪ ਦਿੱਤਾ । ਇਨ੍ਹਾਂ ਕਵਿਤਾਵਾਂ ਦੀ ਬੋਲੀ ਸਾਦੀ ਹੈ ਪਰ ਭਾਵ ਡੂੰਘੇ  ਹਨ । 1. ਸ਼ਹਿਤੂਤ ਤੁਸੀਂ ਕਦੇ ਸ਼ਹਿਤੂਤ ਦੇਖਿਆ ਹੈ? ਜਿਥੇ ਇਹ ਡਿਗਦਾ ਹੈ, ਓਨੀ ਜ਼ਮੀਨ 'ਤੇ ਲਾਲ ਰੰਗ ਦਾ ਧੱਬਾ ਪੈ ਜਾਂਦਾ ਹੈ। ਡਿੱਗਣ ਤੋਂ ਵੱਧ ਦੁਖਦਾਈ ਕੁਝ ਵੀ ਨਹੀਂ, ਮੈਂ ਦੇਖਿਆ ਹੈ ਕਿੰਨੇ ਮਜ਼ਦੂਰਾਂ ਨੂੰ ਇਮਾਰਤਾਂ ਤੋਂ ਡਿਗਦੇ ਹੋਏ ਡਿਗ ਕੇ ਸ਼ਹਿਤੂਤ ਬਣਦੇ ਹੋਏ। 2. ਰੱਬ ਰੱਬ ਵੀ ਮਜ਼ਦੂਰ ਹੈ ਉਹ ਵੀ ਜ਼ਰੂਰ ਵੈਲਡਰਾਂ ਦਾ ਵੀ ਵੈਲਡਰ ਹੋਣਾਂ! ਆਥਣ ਦੇ ਚਾਨਣ ਵਿਚ ਉਹਦੀਆਂ ਅੱਖਾਂ ਅੰਗਾਰਿਆਂ ਵਾਂਗ ਲਾਲ ਹੁੰਦੀਆਂ ਨੇ। ਰਾਤ ਨੂੰ ਉਹਦੇ ਝੱਗੇ ਵਿਚ ਹੁੰਦੀਆਂ ਨੇ ਮੋਰੀਆਂ ਹੀ ਮੋਰੀਆਂ । 3. ਬੰਦੂਕ ਜੇ ਉਨ੍ਹਾਂ ਬੰਦੂਕ ਦੀ ਖੋਜ ਨਾ ਕੀਤੀ ਹੁੰਦੀ ਤਾਂ ਬਥੇਰੇ ਲੋਕਾਂ ਨੇ ਦੂਰੋਂ ਹੀ ਮਾਰੇ ਜਾਣ ਤੋਂ ਬਚ ਜਾਣਾ ਸੀ। ਬਹੁਤ ਕੁਝ ਆਸਾਨ ਹੋ ਜਾਂ...
1 comment
Read more

ਦੁਨੀਆ ਭਰ ਦੇ ਤਮਾਮ ਖ਼ੂਬਸੂਰਤ ਖ਼ਤ (੨)

ਸੋਹਣੇ ;  ਮੈਨੂੰ ਪਤਾ ਕਿ ਮੈਂ ਮੁੜ ਪਾਗ਼ਲ ਹੋਣ ਵਾਲੀ ਹਾਂ। ਮੈਨੂੰ ਲਗਦਾ ਕਿ ਇਸ ਤਰ੍ਹਾਂ ਦੇ ਖਤਰਨਾਕ ਦੌਰ ਤੋਂ ਹੁਣ ਬਚਿਆ ਨਹੀ ਜਾ ਸਕਦਾ ਤੇ ਸ਼ਾਇਦ ਮੈਂ ਕਦੇ ਦੁਬਾਰਾ ਠੀਕ ਵੀ ਨਾ ਹੋਵਾਂ। ਹੁਣ ਮੇਰਾ ਧਿਆਨ ਵੀ ਨਹੀਂ ਲਗਦਾ ਤੇ ਤਰ੍ਹਾਂ ਤਰ੍ਹਾਂ ਦੀਆਂ ਆਵਾਜ਼ਾਂ ਵੀ ਸੁਣਦੀਆਂ ਹਨ। ਇਸੇ ਲਈ ਇਸ ਵੇਲੇ ਜਿਹੜਾ ਮੈਨੂੰ ਬਿਹਤਰ ਲਗਦਾ ਓਹੀ ਕਰ ਰਹੀ ਹਾਂ ਮੈਂ। ਤੂੰ ਵੀ ਮੈਨੂੰ ਖੁਸ਼ ਰੱਖਣ ਦੀਆਂ ਤਮਾਮ ਕੋਸ਼ਿਸ਼ਾਂ ਕੀਤੀਆਂ ਹਨ ਓਵੇਂ ਹੀ ਜਿਵੇਂ ਕਿਸੇ ਚਹੇਤੇ ਨੂੰ ਕਰਨੀਆਂ ਚਾਹੀਦੀਆਂ ਹਨ। ਮੈਨੂੰ ਨਹੀਂ ਲਗਦਾ ਕਿ ਦੋ ਜਣੇ ਇਸ ਤੋਂ ਜਿਆਦਾ ਖੁਸ਼ ਰਹਿ ਸਕਦੇ ਹਨ ਓਦੋਂ ਤਕ ਜਦੋਂ ਤਾਈਂ ਕੋਈ ਮੁਸੀਬਤ ਨਾ ਓਹਨਾ ਵਿਚ ਆਣ ਪਵੇ।  ਮੀਆਂ ਬੀਬੀ ਦੋਵੇਂ ਮੈਂ ਹੁਣ ਹੋਰ ਨਹੀਂ ਲੜ ਸਕਦੀ।  ਮੈਨੂੰ ਵੀ ਪਤੇ ਮੈਂ ਤੇਰੀ ਜਿੰਦਗੀ ਖਰਾਬ ਕਰ ਰਹੀਂ ਹਾਂ, ਤੇਰਿਆ ਕੰਮਾਂ ਵਿਚ ਉਲਝਣ ਬਣਦੀ ਹਾਂ। ਪਰ ਤੂੰ ਕੰਮ ਨਬੇੜ ਲੈਣੇ; ਮੈਨੂੰ ਪਤਾ। ਦੇਖ ਨਾ ਮੈਥੋਂ ਤਾਂ ਆਹ ਵੀ ਠੀਕ ਤਰ੍ਹਾਂ ਨਾਲ ਨਹੀਂ ਲਿਖਿਆ ਜਾ ਰਿਹਾ। ਨਾ ਪੜ੍ਹਿਆ ਜਾਂਦਾ ਹੈ। ਬਸ ਤੈਨੂੰ ਆਹੀ ਕਹਿਣਾ ਕਿ ਦੁਨੀਆ ਦੀਆਂ ਤਮਾਮ ਖੁਸ਼ੀਆਂ ਦੇਣ ਲਈ ਤੇਰੀ ਇਹਸਾਨਮੰਦ ਹਾਂ। ਅਪਣਾ ਬੜਾ ਸੋਹਣਾ ਤੇ ਖੁਸ਼ ਰਹੇ ਹਾਂ।  ਮੈਂ ਆਹੀ ਕਹਿਣਾ ਚਾਹੁੰਦੀ। ਸਾਰਿਆ ਨੂੰ ਇਹ ਪਤਾ ਵੀ ਹੈ ਕਿ ਮੈਨੂੰ ਕੋਈ ਬਚਾ ਸਕਦਾ  ਹੁੰਦਾ ਤਾਂ ਓਹ ਵੀ ਤੂੰ ਹੀ ਹੁੰਦਾ। ਪਰ ਹੁਣ ਬੜਾ ਕੁਝ ਪਿੱਛੇ ਰਹਿ ਗਿਆ ਹੈ ਬਿਨਾ ਤੇਰੀ ਭਲਾਈ ਤ...
Post a Comment
Read more