ਹੋ ਸਕਦਾ ਇਸ ਦੂਰ ਦਿਖਦੇ ਬਿੰਦੂ ਤੋਂ ਧਰਤੀ ਕੁੱਝ ਖ਼ਾਸ ਨਾ ਲੱਗੇ, ਪਰ ਸਾਡੇ ਲਈ ਇਹ ਬਹੁਤ ਖਾਸ ਹੈ। ਇੱਕ ਵਾਰ ਮੁੜ ਤੋਂ ਇਸ ਬਿੰਦੂ ਬਾਰੇ ਸੋਚੋ; ਜਿਹੜਾ ਇੱਥੇ ਹੈ ਇਹ ਸਾਡਾ ਘਰ ਹੈ। ਇਹ ਅਸੀਂ ਹਾਂ। ਇਸ ਉੱਤੇ ਹਰ ਉਹ ਸਖ਼ਸ਼ ਹੈ; ਜਿਸਨੂੰ ਤੁਸੀਂ ਪਿਆਰ ਕਰਦੇ ਹੋ, ਜਿਸਨੂੰ ਤੁਸੀ ਜਾਣਦੇ ਹੋ, ਜਿਸ ਬਾਰੇ ਕਦੇ ਤੁਸੀੰ ਸੁਣਿਆ ਹੋਵੇ, ਹਰ ਇੱਕ ਇਨਸਾਨ ਜਿਹੜਾ ਕਦੇ ਏਥੇ ਰਿਹਾ ਹੋਵੇ, ਤੇ ਜਿੰਨਾਂ ਨੇ ਇਥੇ ਜ਼ਿੰਦਗੀ ਬਤੀਤ ਕੀਤੀ ਹੋਵੇ। ਸਾਡੇ ਸਭ ਦੁੱਖ ਅਤੇ ਖੁਸ਼ੀਆਂ, ਕਿੰਨੇ ਹੀ ਧਰਮ ਵਿਚਾਰਧਾਰਾਵਾਂ ਅਤੇ ਆਰਥਿਕ ਸਿਧਾਂਤ, ਹਰੇਕ ਸ਼ਿਕਾਰੀ ਅਤੇ ਘੁਮੱਕੜ, ਹਰੇਕ ਯੋਧਾ ਅਤੇ ਕਾਇਰ, ਸੱਭਿਆਤਾਵਾਂ ਨੂੰ ਮਿਟਾਉਣ ਅਤੇ ਬਣਾਉਣ ਵਾਲੇ, ਹਰੇਕ ਰਾਜਾ ਤੇ ਰੰਕ, ਪਿਆਰ ਵਿੱਚ ਲੀਨ ਹਰੇਕ ਪ੍ਰੇਮੀ ਜੋੜਾ, ਮਾਂ ਬਾਪ, ਆਸ਼ਾਵਾਦੀ ਬੱਚਾ, ਖੋਜੀ, ਨੈਤਿਕ ਮੁੱਲ ਦੱਸਣ ਵਾਲਾ ਹਰ ਅਧਿਆਪਕ, ਰਾਜਨੀਤਿਕ, ਸੁਪਰ ਸਟਾਰ, ਨੇਤਾ, ਸਾਡੀ ਨਸਲ ਦੇ ਇਤਿਹਾਸ ਦੇ ਹਰ ਪੀਰ ਤੋਂ ਲੈ ਕੇ ਪਾਪੀ ਤੱਕ; ਇਸ ਸੂਰਜ ਦੀਆਂ ਕਿਰਨਾਂ ਚ ਖਿੱਲਰੇ ਧੂੜ ਦੇ ਇੱਕ ਕਣ 'ਤੇ ਹੀ ਹੋਏ ਹਨ।
ਇਸ ਵੱਡੇ ਬ੍ਰਹਿਮੰਡ ਵਿੱਚ ਧਰਤੀ ਇੱਕ ਛੋਟਾ ਜਿਹਾ ਮੰਚ ਹੈ। ਸੋਚੋ ਉਹਨਾਂ ਖੂਨ ਦੀਆਂ ਨਦੀਆਂ ਬਾਰੇ ਜੋ ਸੈਨਾਪਤੀਆਂ ਅਤੇ ਰਾਜਿਆਂ ਨੇ ਵਹਾਈਆਂ ਹਨ, ਸਿਰਫ਼ ਇਸ ਲਈ ਕਿ ਉਹ ਇਸ ਬਿੰਦੂ ਦੇ ਕਿਸੇ ਛੋਟੇ ਜਿਹੇ ਹਿੱਸੇ ਦੇ ਪਲ ਭਰ ਲਈ ਮਾਲਿਕ ਬਣ ਸਕਣ।
ਸੋਚੋ ! ਕਦੇ ਨਾ ਖਤਮ ਹੋਣ ਵਾਲੇ ਜੁਲਮਾਂ ਬਾਰੇ ਜਿਹੜੇ ਇਸ ਬਿੰਦੂ ਦੇ ਨਿੱਕੇ ਜਿਹੇ ਕੋਨੇ ਵਿੱਚ ਰਹਿਣ ਵਾਲੇ ਵਾਸੀਆਂ ਉੱਤੇ, ਥੋੜ੍ਹਾ ਵੱਖ ਦਿਖਣ ਵਾਲੇ ਇਸੇ ਬਿੰਦੂ ਦੇ ਹੀ ਦੂਜੇ ਕੋਨੇ ਦੇ ਵਾਸੀਆਂ ਨੇ ਕੀਤੇ। ਇਹਨਾਂ ਦੀਆਂ ਮੁੜ ਓਹੀ ਗਲਤਫਹਿਮੀਆਂ ਕਰਕੇ ਕਿੰਨੇ ਬੇਚੈਨ ਹਨ ਇਹ ਇਕ ਦੂਜੇ ਨੂੰ ਮਾਰਨ ਲਈ। ਕਿੰਨੀ ਜਿਆਦਾ ਹੈ ਇਹਨਾਂ ਦੀ ਨਫ਼ਰਤ। ਸਾਡੇ ਤੇਵਰ, ਸਾਡੇ ਕਾਲਪਨਿਕ ਆਤਮ ਮਹੱਤਵ, ਸਾਡੇ ਵਹਿਮ ਨੇ ਕਿ ਇਸ ਬ੍ਰਹਿਮੰਡ ਵਿੱਚ ਸਾਡਾ ਕੋਈ ਖਾਸ ਸਥਾਨ ਹੈ। ਇਹ ਜ਼ਰਦ ਰੌਸ਼ਨੀ ਵਾਲਾ ਸੂਖਮ ਬਿੰਦੂ, ਇਹਨਾਂ ਸਾਰੀਆਂ ਗੱਲਾਂ ਨੂੰ ਚੁਣੌਤੀ ਦਿੰਦਾ ਹੈ। ਇਸ ਅਨੰਤ ਬ੍ਰਹਿਮੰਡੀ ਹਨੇਰੇ ਵਿੱਚ ਸਾਡਾ ਗ੍ਰਹਿ ਇੱਕ ਇੱਕਲਾ ਨਿੱਕਾ ਜਿਹਾ ਕਣ ਹੈ। ਸਾਡੇ ਖਿਆਲ ਵਿਚ ਦੂਰ ਦੂਰ ਤੱਕ ਇਸ ਗੱਲ ਦਾ ਕੋਈ ਸੰਕੇਤ ਤੱਕ ਨਹੀਂ ਹੈ ਕਿ ਸਾਨੂੰ ਹੀ ਸਾਡੇ ਤੋਂ ਬਚਾਉਣ ਲਈ ਮਦਦ ਕਿਤੇ ਦੂਰੋਂ ਆਵੇਗੀ ।
ਹਾਲੇ ਤੱਕ ਧਰਤੀ ਹੀ ਇੱਕਲੌਤੀ ਪਛਾਣੀ ਗਈ ਦੁਨੀਆ ਹੈ, ਜਿਹੜੀ ਜ਼ਿੰਦਗੀ ਨੂੰ ਪਨਾਹ ਦਿੰਦੀ ਹੈ। ਘੱਟੋ ਘੱਟ ਤਾਂ ਨੇੜਲੇ ਭਵਿੱਖ ਵਿੱਚ ਕੋਈ ਹੋਰ ਜਗ੍ਹਾ ਨਹੀਂ ਹੈ, ਜਿੱਥੇ ਸਾਡੀ ਮਾਨਵ ਜਾਤੀ ਪਰਵਾਸ ਕਰ ਸਕੇ। ਯਾਤਰਾ ਤਾਂ ਮੁਮਕਿਨ ਹੈ ਪਰ ਹਾਲੇ ਵੱਸਿਆ ਨਹੀਂ ਜਾ ਸਕਦਾ। ਹੋ ਸਕਦਾ ਹੈ ਇਹ ਗੱਲ ਚੰਗੀ ਨਾ ਲੱਗੇ ਪਰ ਇਸ ਪਲ ਤਾਂ ਸਿਰਫ ਧਰਤੀ ਹੀ ਹੈ ਜਿਸ ਵੱਲ ਰੁਖ ਕੀਤਾ ਜਾ ਸਕਦਾ ਹੈ।
ਇਹ ਕਿਹਾ ਜਾਂਦਾ ਹੈ ਕਿ ਆਸਟਰੋਨੋਮੀ ਨਿਮਰ ਬਣਾਉਣ ਦੇ ਨਾਲ ਨਾਲ ਇਨਸਾਨ ਦਾ ਕਿਰਦਾਰ ਵੀ ਬਣਾਉਂਦੀ ਹੈ। ਸਾਡੀ ਛੋਟੀ ਜਿਹੀ ਦੁਨੀਆਂ ਦੇ ਇਸ ਦੁਰਲੱਭ ਚਿੱਤਰ ਨਾਲੋਂ ਮਨੁੱਖੀ ਮੂਰਖਤਾ ਦਾ ਪ੍ਰਦਰਸ਼ਨ ਹੋਰ ਕੋਈ ਨਹੀਂ ਹੋ ਸਕਦਾ। ਮੈਨੂੰ ਇਹ ; ਇੱਕ ਦੂਜੇ ਨਾਲ ਜਿਆਦਾ ਦਿਆਲਤਾ ਵਿਖਾਉਣ ਦੀ ਅਤੇ ਉਸ ਜ਼ਰਦ ਨੀਲੇ ਬਿੰਦੂ ਨੂੰ , ਉਸ ਇਕਲੌਤੇ ਘਰ ਨੂੰ ਜਿਸਨੂੰ ਅਸੀਂ ਜਾਣਦੇ ਹਾਂ, ਨੂੰ ਬਚਾਉਣ ਦੀ ਜਿੰਮੇਵਾਰੀ ਦਰਸਾਉਂਦਾ ਹੈ..
ਕਾਰਲ ਸੈਗਨ :: A Pale Blue Dot ਭਾਵ ਅਨੁਵਾਦ ( ਬਹੁਤ ਥਾਵਾਂ ਤੇ ਪੱਲਵੀ ਵਿਆਸ ਦੇ ਹਿੰਦੀ ਅਨੁਵਾਦ
ਦਾ ਸਹਾਰਾ ) ::
This image of Earth is one of 60 frames taken by the Voyager 1 spacecraft on February 14, 1990 from a distance of more than 6 billion kilometers (4 billion miles) and about 32 degrees above the ecliptic plane. In the image the Earth is a mere point of light, a crescent only 0.12 pixel in size. Our planet was caught in the center of one of the scattered light rays resulting from taking the image so close to the Sun. This image is part of Voyager 1's final photographic assignment which captured
ਮੂਲ ਲਿਖਤ ::
https://www.planetary.org/explore/space-topics/earth/pale-blue-dot.html
:: ਅਮਨਦੀਪ
ਮੂਲ ਲਿਖਤ ::
https://www.planetary.org/explore/space-topics/earth/pale-blue-dot.html
:: ਅਮਨਦੀਪ
Comments
Post a Comment